Aimchess Rapid. Nodirbek Abdusattorov uchinchi o‘rin, Magnus Karlsen esa chempion bo‘ldi.

Onlayn formatda o‘tkazilgan shaxmat bo‘yicha The Aimchess Rapid-2023 turniri yakuniga yetdi.

Hal qiluvchi Grand final uchrashuvida amerikalik Uesli Soni 3:1 hisobida mag‘lubiyatga uchratgan shaxmat afsonasi Magnus Karlsen The Aimchess Rapid-2023 chempioniga aylandi. Norvegiyalik sobiq jahon chempioni 30 ming AQSh dollari miqdoridagi mukofot pulini ham qo‘lga kiritdi.

Yarim finalda aynan bo‘lajak chempionga yutqazgan Nodirbek Abdusattorov kuchli uchlikdan joy oldi. Hamyurtimiz o‘tish bahsida Uesli Soga 0,5:1,5 hisobida imkoniyatni boy berib qo‘ydi. Agar Nodirbek Sodan ustun kelganida, finalda Karlsenga qarshi bahs olib borgan bo‘lar edi.