Grossmeyster Nodirbek Abdusattorov yurtimizda faoliyat olib boradigan yetakchi banklardan biri - "Aloqabank"da mehmon bo‘ldi.

U mazkur bankda faoliyat olib borayotgan yoshlar, shaxmat ixlosmandlari bilan uchrashdi va ular bilan suhbatlashdi. Shaxmat muxlislari Nodirbekka o‘zlarini qiziqtirgan savollar bilan murojaat qilish imkoniga ega bo‘lishdi. Mazkur tadbirda O‘zbekiston shaxmat federatsiyasi raisi Alisher Sa’dullaev ham ishtirok etdi.

Tadbir davomida Nodirbek bank tizimida shaxmat bo‘yicha o‘tkazilgan musobaqa g‘olibi bilan o‘rtoqlik uchrashuvi ham o‘tkazdi.