Bugun Nodirbek Abdusattorov va Javohir Sindarov Niderlandiyadagi turnirda o‘z yurishini boshlaydi.

Xabar berib o‘tganimizdek, 14-29 yanvar kunlari Niderlandiyaning Veyk-an-Zi shahrida shaxmat bo‘yicha nufuzli "Tata Steel-2023" turniri start oladi.

Ushbu musobaqada ikki nafar hamyurtimiz ishtirok etishi haqida avvalroq ham xabar qilgandik.

Nodirbek Abdusattorov yetakchi grossmeysterlar qatorida "Masters" guruhida, Javohir Sindarov esa "Chellenjer" guruhida g‘oliblik uchun kurash olib boradi.

1-turda Nodirbek ruminiyalik Rixard Rapportga qarshi, Javohir Sindarov esa germaniyalik Aleksandr Donchenkoga qarshi dona suradi.

Bahslar Toshkent vaqti bilan soat 18:00da boshlanadi.