Бугун Нодирбек Абдусатторов ва Жавоҳир Синдаров Нидерландиядаги турнирда ўз юришини бошлайди.

Хабар бериб ўтганимиздек, 14-29 январь кунлари Нидерландиянинг Вейк-ан-Зи шаҳрида шахмат бўйича нуфузли "Tata Steel-2023" турнири старт олади.

Ушбу мусобақада икки нафар ҳамюртимиз иштирок этиши ҳақида аввалроқ ҳам хабар қилгандик.

Нодирбек Абдусатторов етакчи гроссмейстерлар қаторида "Мастерс" гуруҳида, Жавоҳир Синдаров эса "Челленжер" гуруҳида ғолиблик учун кураш олиб боради.

1-турда Нодирбек руминиялик Рихард Раппортга қарши, Жавоҳир Синдаров эса германиялик Александр Донченкога қарши дона суради.

Баҳслар Тошкент вақти билан соат 18:00да бошланади.