Нодирбек Абдусатторов "Рост24" танловида журналистлар ва блогерлар берган овозга кўра "Йил одами" деб топилди.
Шахматчимиз айни пайтда Нидерландиядаги мусобақада бўлганлиги боис, совринни Нодирбекнинг оталари Фазлиддин Очилов қабул қилиб олдилар.
Бу эътирофга у қандай натижалари учун эришди?
- Рапид йўналишида шахмат тарихида энг ёш жаҳон чемпиони бўлди (2021-йил декабр);
- Sharjah Masters 2022 халқаро турнирида 1-ўрин (2022, май);
- Рустам Қосимжоновнинг 25 йиллик етакчилигига чек қўйиб, Ўзбекистоннинг рейтинги энг юқори шахматчисига айланди (2022, июн);
- Ўзбекистон терма жамоаси таркибида (1-тахта) Жаҳон шахмат олимпиадаси чемпиони (2022, август);
- Рустам Қосимжоновдан сўнг рейтинг бали 2700 дан ошган ўзбекистонлик иккинчи шахматчи бўлди (2022, август);
Шунингдек,
- "Мард ўғлон" давлат мукофотига сазовор бўлди;
- "Ўзбекистон" телерадиоканали "Йил фаоли - 2022" танловида "Йилнинг энг яхши спортчиси" деб топилди;
- Tata Steel Chess - 2023 мусобақасида Магнус Карлсенни мағлуб этиб, Михаил Чигорин клуби (классик шахмат бўйича амалдаги жаҳон чемпионини расмий мусобақаларда камида бир марта мағлуб этган шахматчилар рамзий клуби) аъзоси бўлди;
-
Тигран Петросян клуби (классик шахмат бўйича амалдаги рейтинги энг юқори бўлган шахматчини расмий мусобақаларда камида бир марта мағлуб этган шахматчилар рамзий клуби) аъзоси бўлди.
